樂天經典 (奧海城二期)

營業中

休息中

好朋友一家嚟香港，我要請食飯，想咗好耐，搵地方。 上次去過奧海城食，印象非常好，所以今次再來一次。前菜係花生栗子，炆得好淋，加咗少少糖，完全冇苦澀味，食住傾好啱。天麻藥膳豬肚湯 : 真材實料，不油膩 ，湯味濃郁，連湯渣都可以食埋。不過冇天麻味，但胡椒味都非常好飲。黃金鹹蛋蝦球 : 大大隻蝦又厚肉，炸得鬆脆，添上鹹蛋黃，特別之味。再叫咗幾個小菜，酸甜鱸魚片、家鄉元蹄、小排骨… 樣樣餸都好好食，每款都有佢特別嘅味道。再叫咗兩個主食 : 喇沙海鮮米線同揚州炒飯。喇沙湯底濃郁，海鮮豐富配上半隻流心蛋零舍香，而且豆卜吸咗喇沙湯特別滋味。不過今次冇食甜品，因為實在太飽。好多款餸都會有大中小份量選擇，我哋都係叫咗小嘅，但已經好滿足。