影片
更多
2024-09-11
1232 瀏覽
經常去觀塘海濱公園放狗，食嚟食去嘅Pet friendly 餐廳都係嗰幾間，今日先發覺原來仲有一間新開嘅樓上cafe🥹重點係可以同狗狗坐室內～有！冷！氣！今次我地兩個人嗌咗一個lunch set(聽講款式嗰個星期都唔一樣)一個前菜同一個輕食！香濃龍蝦汁蝦球意粉$98份量超多，同一般嘅Cafe完全唔同，蝦球大隻又彈牙，意粉都食到明顯嘅龍蝦汁味面頭仲要有滿滿嘅芝士碎🥹明太子雞翼$23不過不失嘅明太子雞翼，勝在有滿滿嘅沙律菜墊底，仲有好fresh嘅沙律醋，好似多一個前菜咁班尼迪蛋配酸種麵包$128有幾款配菜可以揀，今次試咗巴馬臣火腿，水波蛋係半流心狀態，個底仲有滿滿嘅波菜，足料到蓋住哂塊麵包！挪威三文魚洋蔥他他配香脆多士$148份量多又充滿洋蔥香味嘅三文魚他他，如果多幾塊多士就好喇😍利賓納荔枝乳酸梳打$8係有原粒荔枝嘅特飲，唔會過甜，估唔到利賓納夾荔枝都幾好飲
經常去觀塘海濱公園放狗，食嚟食去嘅Pet friendly 餐廳都係嗰幾間，今日先發覺原來仲有一間新開嘅樓上cafe🥹重點係可以同狗狗坐室內～有！冷！氣！今次我地兩個人嗌咗一個lunch set(聽講款式嗰個星期都唔一樣)一個前菜同一個輕食！
香濃龍蝦汁蝦球意粉$98
份量超多，同一般嘅Cafe完全唔同，蝦球大隻又彈牙，意粉都食到明顯嘅龍蝦汁味面頭仲要有滿滿嘅芝士碎🥹
明太子雞翼$23
不過不失嘅明太子雞翼，勝在有滿滿嘅沙律菜墊底，仲有好fresh嘅沙律醋，好似多一個前菜咁
班尼迪蛋配酸種麵包$128
有幾款配菜可以揀，今次試咗巴馬臣火腿，水波蛋係半流心狀態，個底仲有滿滿嘅波菜，足料到蓋住哂塊麵包！
挪威三文魚洋蔥他他配香脆多士$148
份量多又充滿洋蔥香味嘅三文魚他他，如果多幾塊多士就好喇😍
利賓納荔枝乳酸梳打$8
係有原粒荔枝嘅特飲，唔會過甜，估唔到利賓納夾荔枝都幾好飲
張貼
