嘆嘆 (裝修中)

最近見到黃大仙新開左一間幾靚既韓國嘢見到原來佢哋同時都有得食台式輕食同甜品就決定去試一試🙈-🥢古祖滷肉飯拼鹵水雞翼飯質係偏濕既，滷肉都算多而且都幾夠味😋鹵水雞翼一共4隻，係滷到超級入味而且好淋！一食就可以脫骨！🥢嘆碗肉丸湯一共三款肉丸，有芝士貢丸，芋頭丸同墨魚丸，芋頭丸真係好特別，可惜個人唔鍾意食芋頭🤣 芝士貢丸都係拉哂絲幾正。佢個湯係紫菜湯，唔會好似出邊啲味精湯咁越飲越頸渴🙈 都好夠味🥢花花世界花茶好香玫瑰味，覺得冇乜味嘅仲可以自己加蜜糖，令到整體味道甜啲😋 而且仲有蠟燭一直慶住，Keep到一直暖🥢士多啤梨藍橙特飲呢杯特飲顏色超級夢幻，下面係士多啤梨上面係藍橙乳酪，飲落去有一種沙冰feel，幾清新之餘都啱晒打卡🤩🥢香芒雜雜見佢一set有三款甜品勁吸引！有芒果布甸，芒果雪糕同芒果千層蛋糕🥭 旁邊仲有啲芒果片整成嘅花，用金色嘅餐盤裝住超級華麗🥰仲有張金色凳仔勁得意🤣好想攞返屋企。芒果布甸都幾滑，雪糕同千層蛋糕都唔會好甜同好膩，而且芒果味香濃一啲都唔酸-整體上都幾唔錯，隔離仲有閣樓市集可以買下野，加上環境都幾休閒，好適合晏晝去食個tea 😋