影片
更多
2016-03-25
383 瀏覽
收工去左眾安街睇電器, 睇到咁上下就去大鴻輝搵飯食, 呢度基本上成棟都係食肆, 所以大堂下面係傳單亞姐既必爭之地, 就係咁手上唔知收左幾多張傳單, 睇睇下有間甜品西餐未食過, 呢間響2樓扶手電梯上, 如果去10幾樓果D等lift都有排等, 所以呢間好方便.望入去裝修白色為主, 好乾淨, 窗邊一排卡位, 環境舒服.睇下餐牌有咩先, 甜品, 前菜, 湯, 主菜既類別咩都有, 睇圖都好吸引. 點完菜之後, 侍應送上檸檬雪葩, 佢話每位食客都送一份. 一入口凍凍地, 檸檬味酸酸地, 清新開胃.之後飲品就黎到, 要左個凍<荔枝桂花烏龍茶>, 類似荔枝玉露, 不過有清香既烏龍茶味, 唔會太甜, 仲有一粒粒荔枝玉.主菜要左<炭燒美國極黑豬鞍扒>$128, 豬鞍外面煎到金黃色一格格, 炭燒味夠香. 旁邊仲有酸酸地既薯蓉汁.豬鞍肉厚但好易切開, 唔韌. 入口肉質嫩滑, 無渣且juicy, 淡淡肉觧味, 唔洗點太多汁味道已經剛剛好.特登留定個肚食甜品, <朱古力心太軟配movenpick雪糕>$68, 心太軟本身好鍾意食, 加埋呢個雪糕簡直絕配. 心太軟即焗
望入去裝修白色為主, 好乾淨, 窗邊一排卡位, 環境舒服.
睇下餐牌有咩先, 甜品, 前菜, 湯, 主菜既類別咩都有, 睇圖都好吸引.
點完菜之後, 侍應送上檸檬雪葩, 佢話每位食客都送一份. 一入口凍凍地, 檸檬味酸酸地, 清新開胃.
之後飲品就黎到, 要左個凍<荔枝桂花烏龍茶>, 類似荔枝玉露, 不過有清香既烏龍茶味, 唔會太甜, 仲有一粒粒荔枝玉.
主菜要左<炭燒美國極黑豬鞍扒>$128, 豬鞍外面煎到金黃色一格格, 炭燒味夠香. 旁邊仲有酸酸地既薯蓉汁.
豬鞍肉厚但好易切開, 唔韌. 入口肉質嫩滑, 無渣且juicy, 淡淡肉觧味, 唔洗點太多汁味道已經剛剛好.
特登留定個肚食甜品, <朱古力心太軟配movenpick雪糕>$68, 心太軟本身好鍾意食, 加埋呢個雪糕簡直絕配. 心太軟即焗所以等得會耐少少, 外層焗到好鬆軟, 濃濃既朱古力醬, 熱辣辣.
另一邊係雲尼拿movenpick雪糕, 呢個雪糕軟滑, 唔會太甜, 下面仲有生果粒, 食完好滿足.
呢間餐廳新張期內有幸運輪轉盤玩, 可享有1-9折既優惠, 食食下聽到有人大叫, 原來有食客好厲害咁轉到3折, 下次我都再試下自己運氣先.張貼
