牛一 (樂道) (已搬遷) 新店位置

同朋友P, 朋友G, 朋友Y 4個人黎打個邊爐傾下計。早幾日訂左位但黎到要我地等十分鐘, 呢度要扣分。入面環境幾靚, 野食自助形式, 仲有froyo任食 (不過froyo麻麻, 好甜, 而且有點稀)。汽水有Coke, Zero, 啤酒都任飲。我地叫最平個個set, 但其實豬同牛個質素都ok (我唔食牛, 但佢地話ok)野食選擇算ok多, 丸有包心丸 (不過無芝士丸)有一粒叫麻辣丸既丸好好食! 推介!雖然佢有2個鐘頭限時, 但因為冇咩人, 我地坐左成3個幾鐘先走。Overall其實真係唔錯, 而且服務員 (大部分都係後生仔) 好nice!惟獨係經理比較黑面同無反應, 扣分。(原本想比「笑」, 但諗返訂左位都要等同個經理既行為, 比「ok」算。)