New York Cafe & Bar (已結業)

一年前試過即日walk in book一張7-8人枱, 當時佢地好好生意, 好多人等, 唔休做, 態度惡劣地拒絕左我們, 我成家人都話咁既態度無論講到幾好食,以後都不會再來終於兩個月前同先生兩個人經過 , 見唔多人時間又早, 就試下問下有無枱, 出奇地今次態度極好, 是因為生意已不及一年前吧！是日點了兩個set dinner, 一份牛扒, 一份雞胸。餐湯配麵包絛加沙律醬味道幾好‧主菜就有問題了, 上菜賣相在元朗區黎講算很用心, 好吸引, 可惜牛扒既然原全沒有牛味, 令人費解? 雞胸都唔expect有咩味 , 配的芝士汁也只是一般。餐飲我見大家都點了一杯有奶泡係面的涷朱古力, 可惜我以為係涷咖啡所以無機會一試, 相信亦唔會有機會再試。總括然而, 環境及食物賣相在元朗區來說都好好, 但食物質素真的一般, 唔會建議去試。而且討厭呢種服務態度, 多人幫襯時就態度差, 到現在生意一般時先好。