影片
更多
2021-11-22
59 瀏覽
天氣涼總係會想食啲辣口嘢，今晚就揀咗去食熱辣辣串燒。串燒好多款式，無論係肉、海鮮、菜定係丸類都好多選擇。試咗好多款串燒覺得樣樣都好味。自己特別鍾意燒茄子，有辣有唔辣，個人覺得個辣度真係幾夠，一邊嗌辣一邊話好食！其他燒菜類係好多汁，調味又唔會過重。肉類方面，無論係羊架還是雞腎都唔韌，羊架肉質軟熟又多汁，雞腎就保持到爽嘅口感。海鮮就揀咗花蛤，大大粒厚肉肥美，上湯清淡唔會搶走海鮮本身味道。而燒三文魚鰭就滿滿魚脂味好正！下酒小菜就有雞泡魚乾，烘到熱熱哋真係好啱送酒飲。其他燒丸都燒到剛剛好。順帶一提佢呢到有無酒精啤酒可以揀嫁！共度一燒嘅環境超好，朋友着白色褲都完全無污糟，係可以食得好舒適嘅串燒店。而店員人都超好，下次一定會再幫襯！適獨指數：🌚🌚🌚🌚🌚好味指數：🌝🌝🌝🌝🌝抵食指數：🌝🌝🌝🌝🌝
天氣涼總係會想食啲辣口嘢，今晚就揀咗去食熱辣辣串燒。
串燒好多款式，無論係肉、海鮮、菜定係丸類都好多選擇。試咗好多款串燒覺得樣樣都好味。自己特別鍾意燒茄子，有辣有唔辣，個人覺得個辣度真係幾夠，一邊嗌辣一邊話好食！其他燒菜類係好多汁，調味又唔會過重。
肉類方面，無論係羊架還是雞腎都唔韌，羊架肉質軟熟又多汁，雞腎就保持到爽嘅口感。
海鮮就揀咗花蛤，大大粒厚肉肥美，上湯清淡唔會搶走海鮮本身味道。而燒三文魚鰭就滿滿魚脂味好正！
下酒小菜就有雞泡魚乾，烘到熱熱哋真係好啱送酒飲。其他燒丸都燒到剛剛好。順帶一提佢呢到有無酒精啤酒可以揀嫁！
共度一燒嘅環境超好，朋友着白色褲都完全無污糟，係可以食得好舒適嘅串燒店。而店員人都超好，下次一定會再幫襯！
適獨指數：🌚🌚🌚🌚🌚
好味指數：🌝🌝🌝🌝🌝
抵食指數：🌝🌝🌝🌝🌝
張貼
