海灣燒烤大王 (已結業)

海灣會有燒烤場，bar，動物訓練中心等，天氣咁凍呢次當然係去燒烤啦。由於燒烤大王位置都幾偏僻，要由萬宜路轉去大網仔路直行先到。環境方面講真，非常之靚，燒烤大王座落西貢海邊，景色十分怡人。沿路風光燒烤場望出去環境燒烤內場環境從座位上望出去的海景燒烤爐燒烤場內沙灘上望燒烤場由於燒烤場外係沙灘，BBQ到悶可以行落去沙灘望住大海玩下沙添！大家見到我用咁大篇幅講環境，就知呢度確實環境優美啦！燒烤大王食物燒烤方面食物選擇主要有牛扒、牛肋條、雞扒、豬扒、牛仔骨、蝦丸、牛丸、腸仔等，種類數量尚可，而且係自己攞，任叫任食。我個人認為食物質素上一般，同其他燒烤場既食物差別上唔大。肉類上以牛助條較好，另外亦有小食任攞，包括麵包、蝦片同薯條等。飲品方面，主要有蘋果汁同橙汁任飲。價錢方面：星期一至四 成人 $158 、星期五 成人 $168 、星期六至日 成人 $188。 每位顧客會獲贈指定果汁或者汽水任飲、一支燒烤叉、三隻碟、一隻杯同埋每枱都會供應蜜糖兜連埋支掃全套。