南小館 (已結業)

係德福睇完戲，近近地就去左依間從未幫襯的<南小館>見到有下午茶餐，就每人叫一款來試吓~1) 薺菜炒年糕 配五穀薏米水 ($38)2) 招牌生煎包 配五穀薏米水 ($38)先送上的是熱飲五穀薏米水熱飲只有少少微暖，這種半暖不熱的溫度我實在嚥不下，唯有叫侍應幫我叮番熱佢!!薏米水內有薏米、眉豆等，淡淡的味道，都OK~但我有D失望，咁大間店，下午時份客人只得三數枱，但飲品連熱都談不上，真差勁!!落單過了大約5MINS，生煎包送上雖然生煎包頗油，但夠熱，而且內裡有肉汁，不錯~薺菜炒年糕份量很少，即使一個胃容量如雀仔的女生也會吃不飽，唯有告訴自己吃少些，再減下肥啦~年糕都幾煙韌，但整碟年糕的調味都頗鹹，不太適合現今崇尚健康的香港人呀!!由於食唔飽，決定加多$10 點2件椰香棗泥糕~椰香棗泥糕的外表是花的型狀，外觀是頗美的，可惜棗泥糕是室溫的，唔熱又唔凍，一來唔係酒樓的蒸的棗泥糕，二來又不是雪凍的糕點，恕我不喜歡吃!!棗泥糕無紅棗味，只有少少椰汁味，應該改名叫做椰汁糕好了這間店只有華麗的裝修，但食物水準只是好一般，以這種價錢這種質數，比它好的餐廳隨處可見，不會回頭了。