風月堂 (已結業)

是晚同班姊妹約會想搵間野夠大夠舒服坐低食下野所以就揀左依間野D SOFA椅子夠闊，好舒服講返D野食先叫左煙三文魚忌廉汁意粉，煙三文魚好多片，蟹籽都算好多，幾好味！PIZZA，係肉腸，不太SPICY，芝士好多，你見張相就知～鐘意芝士既人唔好錯過，幾好味架！芝士焗蠔，芝士又係幾多～正，蠔都大粒，因為平時食放題係芝士多但蠔勁細粒不過就咸左少少～～～香芒煙三文魚紙米卷就最有驚喜，中間有D青瓜，食落去好有清新既感覺，依幾樣野出奇地好夾，仲有芒果汁比你點，所以真係大推！好好味～海鮮番茄意大利飯，海鮮都算多，味道就一般般啦～～如果係旺角諗唔到食咩，依間野夠就腳，野食又OK，不妨考慮下！