高興 (已結業)

難得同朋友一齊放假，約左去食個lunch傾計。呢間餐廳裝修走懷舊風，假日中午人少少比較安靜，適合同三五知己黎傾計放鬆下，坐得耐少少都冇問題。 🍴韓式泡菜肥牛烏冬鍋$60 (連飲品)呢日天氣太凍，同朋友都不約而同揀左暖笠笠既鍋物。肥牛質素普通，但份量搭救😆。配料仲有椰菜同草菇，又加返分。烏冬質感幾彈牙，份量都好多。湯底微辣，加埋鍋物既熱度，食到個人興烚烚要除褸😂。 🍴蕃茄湯豚肉豆腐烏冬鍋$60 (連飲品)豚肉選用腩肉位置，比較肥，湯底蕃茄味濃，份量一樣係好多阿，邊傾邊慢慢食都食得晒既。 飲品選擇非常多，包基本奶茶檸茶，加10蚊可以叫特飲。我地揀左熱維他奶，都係唔駛加錢架👏可惜天氣太凍，唔係一定試下沙冰。