千秋樂 (已結業)

星期一，約了老朋友在銅鑼灣區午聚，由佢選擇地方，話呢幾間都唔錯。望落格局係居食屋，食物唔得都至少好坐，所以就試一試。因不知有沒有位，就由六樓開始，點知一來這裡就有兩個吧檯位，就幫襯了。呢度裝修雅致，有不少的卡位，來飲杯野傾下計是真的不錯。雖然還未知食物質數如何，但作為一間居食屋，在環境已經算是非常稱職。有兩款午市套餐，亦有不少的定食選擇，價錢圍繞五十至七十幾蚊，都不算太貴。叫了燒牛肉定食，朋友則要魚的。定食都算幾豐富，除了汁燒牛扒及一碗飯外，還有餃子兩隻、三文魚壽司﹝即係花之戀﹞同味噌湯，唔食得都至少睇得。味噌湯不錯，不太鹹有點點鮮味，內裡還有蜆肉，算係咁啦；餃子得啖笑，兩隻都是叮或蒸出來的，兩隻也是破皮的，都沒有吃；因為不吃生的三文魚，所以三文魚壽司由朋友包辦了，他說好食；汁燒牛扒也不差，當然不是餐牌所說的「和牛」，但這個價錢這個質數都算係咁；飯是長身米，不是珍珠米也，當然不是錦字米，更不是日本米。來得居食屋，當然不會期望食到好的日本料理，至少看見壽司檯後面刀的那個金毛師傅，這裡的刺身壽司會有幾好？但起碼如要求坐同環境舒適，這裡也是及格的。埋單130 蚊，幾經濟，一試無妨。