影片
更多
2020-07-23
89 瀏覽
放工係附近做gym前同另一半搵野輕食醫下肚，行過見呢間餐廳幾光猛就入去試....餐廳環境係唔錯，座位舒適，夠晒燈光，睇落都好乾淨。睇過openrice 好多食評都話呢間野唔錯，本身我都幾鍾意食東南亞菜，但呢間真係比左好大「驚喜」我。叫左一碗海南雞喇沙同馬拉盞炒椰菜苗海南雞都叫正常，凍就基本，但凍得嚟啲雞油都黐埋左🤔🤔🤔🤔但個喇沙先真係大件事.....真係淡而無味🤦♀️🤦♀️感覺似買湯包返黎，用水溝稀再加辣椒油，我完全食唔到應該有香料味，湯渣亦搵唔到香料嘅蹤影...而個椰菜苗似白烚椰菜苗，我嗌左少辣，但馬拉盞缺席，仲要似拖水之後落鑊炒兩炒，又濕又油，仲要唔夠熟.....每樣78蚊，老實講。。。衰過車仔麵，我食食下真係忍唔住要影相，補返上嚟打食評😢😢😢😢😢我識煮識食，出街食已經唔係咁腌尖，但呢間野我都真係頂唔順....
行過見呢間餐廳幾光猛就入去試....
餐廳環境係唔錯，座位舒適，夠晒燈光，睇落都好乾淨。
睇過openrice 好多食評都話呢間野唔錯，本身我都幾鍾意食東南亞菜，但呢間真係比左好大「驚喜」我。
叫左一碗海南雞喇沙同馬拉盞炒椰菜苗
海南雞都叫正常，凍就基本，但凍得嚟啲雞油都黐埋左🤔🤔🤔🤔
但個喇沙先真係大件事.....真係淡而無味🤦♀️🤦♀️
感覺似買湯包返黎，用水溝稀再加辣椒油，我完全食唔到應該有香料味，湯渣亦搵唔到香料嘅蹤影...
而個椰菜苗似白烚椰菜苗，我嗌左少辣，但馬拉盞缺席，仲要似拖水之後落鑊炒兩炒，又濕又油，仲要唔夠熟.....
每樣78蚊，老實講。。。衰過車仔麵，我食食下真係忍唔住要影相，補返上嚟打食評😢😢😢😢😢我識煮識食，出街食已經唔係咁腌尖，但呢間野我都真係頂唔順....
張貼
