影片
更多
2019-05-04
1201 瀏覽
之前食過旺角間樂天皇朝，最近先發現利舞臺都有一間。上星期係銅鑼灣行完街就同阿媽黎食個晚餐前菜係一客花生同埋栗子，幾開胃。麻醬油麥菜賣相精美，每條菜都卷成一卷卷，方便我地夾起同埋可以一次過點多d麻醬。油麥菜新鮮爽口，非常開胃。李白醉雞一上枱就感覺到一陣酒香，食落口雞肉亦帶有好幾分醇香酒味，非常鮮嫩滑口。生煎包食上海菜唔會少得生煎包！熱辣辣，又足料，入口多汁而且肉感十足。龍華素鴨平時好少食素鴨，見到係廚師推介就叫左碟試下。又幾唔錯喎！鮮鮮甜點咁，入口軟腍，一d都唔油膩，幾好味。老乾媽鴛鴦剁椒小黃魚呢道菜係新菜式黎，聽個名就覺得好有趣！條魚好大條好新鮮，肉質嫩滑，辣度適中又相當惹味。條魚下面伴有白滑嘅豆腐，配上辣汁超正。鐘意食辣的朋友唔好錯過啦！京醬肉絲配薄餅我地將肉絲舖係薄餅上，再自己包好之後就食得，感覺好有趣，肉絲足料醬汁亦好特別。薑汁酒炒芥蘭芥蘭好新鮮，食落好清新爽口，有啖啖薑味。食到勁飽！媽媽食得好滿意～
前菜係一客花生同埋栗子，幾開胃。
麻醬油麥菜賣相精美，每條菜都卷成一卷卷，方便我地夾起同埋可以一次過點多d麻醬。油麥菜新鮮爽口，非常開胃。
李白醉雞一上枱就感覺到一陣酒香，食落口雞肉亦帶有好幾分醇香酒味，非常鮮嫩滑口。
生煎包食上海菜唔會少得生煎包！熱辣辣，又足料，入口多汁而且肉感十足。
龍華素鴨平時好少食素鴨，見到係廚師推介就叫左碟試下。又幾唔錯喎！鮮鮮甜點咁，入口軟腍，一d都唔油膩，幾好味。
老乾媽鴛鴦剁椒小黃魚呢道菜係新菜式黎，聽個名就覺得好有趣！條魚好大條好新鮮，肉質嫩滑，辣度適中又相當惹味。條魚下面伴有白滑嘅豆腐，配上辣汁超正。鐘意食辣的朋友唔好錯過啦！
京醬肉絲配薄餅我地將肉絲舖係薄餅上，再自己包好之後就食得，感覺好有趣，肉絲足料醬汁亦好特別。
薑汁酒炒芥蘭芥蘭好新鮮，食落好清新爽口，有啖啖薑味。
食到勁飽！媽媽食得好滿意～
張貼
