影片
更多
2013-02-13
198 瀏覽
信和系嘅酒店，咁多年唯獨香港黃金海岸酒店無試過佢嘅自助餐，原因不外乎位置覺得偏，但佢個價又唔喺賣得特別平，一客自助晚餐，成人價平日要$438 + 10%，五六日公眾假期索價就$488 + 10%，絕對拍得住市區啲4、5星酒店，今晚試過之後，就明白點解佢會賣得咁貴，而咁貴又仲點解咁多人幫襯。有咗西鐵，入元朗、天水圍、屯門都方便好多，晌兆康、屯門又有K車（港鐵巴士）駁去黃金海岸，我哋仲住近美孚西鐵站，所以比以前感覺無咁遠，買張港鐵全日通，西鐵、輕鐵、K巴全日任搭，仲抵過過對面海呀。第一次嚟黃金海岸，都要摸摸門路先識落去聆渢咖啡廳，餐廳位於大堂左側地庫，第一個感覺喺地方唔大，但原來入啲又大啲，再入啲又再大啲，食物區由入門口直到餐廳另一邊尾，順序喺熱盤、即做甜品、麵包中湯、海鮮、冷盤、甜品吧、生果、沙律、茶啡、刺身卷物，吓！咁都叫「琳瑯滿目」？依部份只喺室內食物區，有門口直出花園戶外區，環境極度開揚，對住一排排熱帶植物，遠處一列列遊艇，景觀好正。而戶外仲擺放好多新鮮即做食物，如燒烤、煎炸、天婦羅、即煮生滾粥……等等，令人好有渡假氣氛。如果唔喺依晚都仲有啲涼，俾我都揀坐出面呀！廢話少講，盛「燕」
有咗西鐵，入元朗、天水圍、屯門都方便好多，晌兆康、屯門又有K車（港鐵巴士）駁去黃金海岸，我哋仲住近美孚西鐵站，所以比以前感覺無咁遠，買張港鐵全日通，西鐵、輕鐵、K巴全日任搭，仲抵過過對面海呀。
第一次嚟黃金海岸，都要摸摸門路先識落去聆渢咖啡廳，餐廳位於大堂左側地庫，第一個感覺喺地方唔大，但原來入啲又大啲，再入啲又再大啲，食物區由入門口直到餐廳另一邊尾，順序喺熱盤、即做甜品、麵包中湯、海鮮、冷盤、甜品吧、生果、沙律、茶啡、刺身卷物，吓！咁都叫「琳瑯滿目」？依部份只喺室內食物區，有門口直出花園戶外區，環境極度開揚，對住一排排熱帶植物，遠處一列列遊艇，景觀好正。而戶外仲擺放好多新鮮即做食物，如燒烤、煎炸、天婦羅、即煮生滾粥……等等，令人好有渡假氣氛。如果唔喺依晚都仲有啲涼，俾我都揀坐出面呀！
廢話少講，盛「燕」起動，今回自助晚餐主題喺窩心盛「燕」國際自助晚餐，乾燥嘅冬日，特選滋補燕窩入饌，大廚們炮製多道別具特色、即點即製燕窩佳餚，難得佢哋一啲無手軟，絕對讓客人盡享矜貴盛「燕」滋味。
冷盤、沙律冷盤同沙律款式非常豐富，我同老婆一人一大碟都仲未試晒所以款式，選擇實在特別多，都喺揀啲想食嘅嚟試試，詳細就唔多講，大家睇睇相概略知有乜。重點推介一下小弟心水，冷盤類，漬醃魚皮非常爽口，芝麻櫻花蝦好惹味，蓮藕片既薄且脆，芝麻吞拿魚很鮮味，酥皮三文魚卷挺酥嫩，此外仲有凍切肉腸、燒牛肉、芝士盤、煙三文、泡菜、筍乾……等等都喺值得一試嘅選擇。而沙律類，有心機嘅就當然晌自助沙律吧自己砌，基本材料、醬汁一應俱全，反而今勻預製沙律喺我嘅心水，有成9款咁多，實屬少見，當中烤南瓜沙律同大蝦雜果沙律較得我歡心，前者純屬喜好問題，後者鮮蝦多過生果，爽呀！
海鮮海鮮吧前後共有7款，包括：長蟹腳、大甜蝦、青口、翡翠螺、大扇貝、澳洲藍青口、瀨尿蝦。初段要排隊拎，客人都好守規矩，加上貨源不絕，未有搶食情況。我哋一碟過成份海鮮拼盤咁，樣樣兩件試一試（瀨尿蝦則無試，因為喺後尾轉款時出，臨走先發現）。除咗蟹腳海水味重，偏鹹之外，其他都唔錯，幾鮮甜，尤其大甜蝦同翡翠螺，蘸點自家製辣茄汁，好醒胃。雖然海鮮屬回本嘢，但無再添，因為實在仲有好多嘢想試嘛！
麵包籃．熱盤麵包籃放晌中湯側邊，對住海鮮食物區，有3款小圓包，平時食自助餐我總會食一、兩個配餐湯，但今次則要忍手留肚食其他。仲有就喺小弟破天荒，食自助餐咁耐以嚟，喺第一次一啲都無沾手過熱盤，唔喺唔好食（因為老婆有拎，試咗一條燒豬肋骨），更加唔喺少選擇，而喺取捨之下，放棄咗熱盤類。因為戶外區有太多即煮即煎即燒美食，平時食自助餐少有，所以先投向其懷抱。咁多想講少少熱盤，等大家有個參考，晌餐廳一入門口兩旁就放咗17款熱葷，賣相幾好，有燒雞、魚塊、鴨件、羊腩、蜜糖豆、豬肋骨、蠔油時蔬、八珍豆腐、青咖喱、炸雞寶、蝦餃、長通粉、炒飯……等等，外面都仲有幾盆熱葷：咖喱肉丸、水煮魚等，如果逐款要啲都飽到上心口呀！
刺身．卷物黃金海岸喺無壽司供應，但刺身同卷物就唔少，先講卷物，兩大盆卷物但望落來來去去其實得3款，又唔多吸引，所以睇嘅人多，夾嘅人少。相反，刺身就長期人龍，其一，款式多，共有6款刺身：甜蝦、吞拿、油甘、三文、八爪魚、鯛魚，吸引度大增；其二，要多少又無限制，要得多自然切得耐；其三，款款魚生放晌雪櫃保鮮，全部都喺叫到先切，永無切定，所以變成輪候需時。老婆唔好魚生，只好點個一人份，每款一件，以甜蝦、三文最鮮甜，鯛魚則唔多啱口味，而且切得太厚，層皮又韌。
食到依個時段先停一停，抖一抖，作個中場休息，因為都食咗唔少嘢。不過下半場就仲正，殺出戶外食物區搵食，多款新鮮即做美食都喺亮點，仲有一系列「燕窩」佳餚，以及豈能錯過嘅甜品呢！美食多，相片更多，所以下篇再續。
題外話/補充資料：
凡於推廣期間，憑任何信用卡惠顧自助晚餐，逢星期一至五可享75折優惠，星期六至日、公眾假期及其前夕則享8折優惠。
供應日期: 2013年1月2日至2013年3月31日
供應時間: 晚上6時30分至晚上10時
價錢：星期一至四 - 成人港幣$438、小童港幣$268
星期五至日，公眾假期及其前夕 - 成人港幣$488、小童港幣$298
(以上食評乃用戶個人意見 , 並不代表OpenRice之觀點。)
張貼
