影片
更多
2018-09-01
107 瀏覽
理解經過新店安排會混亂，但實在接受唔到比近$600兩個人一餐晚餐會係咁1）訂位訂左8點，但因為餐廳無限時，等到8點半左右先能夠入座，當晚入座後見到仲有好多人訂左8點都仲未有位，咁訂位意義係邊？2）落單後等到9點幾先有野食，而且跟餐個薯條要差唔多食完主菜先黎，係就係即炸，但即炸薯條既餐廳唔只你地，點解人地就可以一齊上，你地就要主菜黎左成半個鐘先黎？3）自律沙律吧同網上宣傳相差太遠，真係好失望。一去到每樣只係剩返好少好少，好似比人食剩咁，賣相已經差，圖片裡嘅水果只係剩返幾舊見到都唔開胃生曬水嘅西瓜同罐頭桃。勉強夾左小小沙律菜同蕃茄，有禮貌請職員一陣得閒小小refill，因為都明白唔夠人無時間成日refill，但最後係去到9點幾大家都食飽先有refill，我覺得真係過份左，起碼你入左八點鐘呢輪新客都refill一次？而為左呢個沙律吧無用到折扣app既折扣（坐低先知折扣只係單點有，餐廳大肆宣傳嘅晚餐係無折），其實多個咁樣得返餸頭餸尾嘅自助沙律吧要貴成$200 一個餐，實在呻苯(不過主菜點餐後成個鐘先黎，如果無沙律吧已經餓死)4)食物味道無預期咁好，龍蝦湯正常，但見之前明明係任飲，而家無左，而一
1）訂位訂左8點，但因為餐廳無限時，等到8點半左右先能夠入座，當晚入座後見到仲有好多人訂左8點都仲未有位，咁訂位意義係邊？
2）落單後等到9點幾先有野食，而且跟餐個薯條要差唔多食完主菜先黎，係就係即炸，但即炸薯條既餐廳唔只你地，點解人地就可以一齊上，你地就要主菜黎左成半個鐘先黎？
3）自律沙律吧同網上宣傳相差太遠，真係好失望。一去到每樣只係剩返好少好少，好似比人食剩咁，賣相已經差，圖片裡嘅水果只係剩返幾舊見到都唔開胃生曬水嘅西瓜同罐頭桃。勉強夾左小小沙律菜同蕃茄，有禮貌請職員一陣得閒小小refill，因為都明白唔夠人無時間成日refill，但最後係去到9點幾大家都食飽先有refill，我覺得真係過份左，起碼你入左八點鐘呢輪新客都refill一次？而為左呢個沙律吧無用到折扣app既折扣（坐低先知折扣只係單點有，餐廳大肆宣傳嘅晚餐係無折），其實多個咁樣得返餸頭餸尾嘅自助沙律吧要貴成$200 一個餐，實在呻苯(不過主菜點餐後成個鐘先黎，如果無沙律吧已經餓死)
4)食物味道無預期咁好，龍蝦湯正常，但見之前明明係任飲，而家無左，而一坐低就有餐包，但湯過左十幾分鐘先到。個牛腹肉點左medium rare，但肉質好硬，我無expect 牛腹肉可以好似肉眼咁腍，但真係硬到好誇張，牛味亦唔濃，失望。西冷鵝肝味道可以，起碼比個招牌牛腹肉腍好多。最好味係薯條，但到左差唔多食飽，仲要追左好多次先黎，好失望。
總括而言，感覺到餐廳係有心嘅，但有心唔代表可以迫食客比完幾百蚊委屈接受呢啲野，比左錢唔係大曬，同樣地，新店唔夠人都唔可以永遠做藉口。
張貼
