Lockeroom Dining (譽發廣場) (已結業)

香港以運動為主題嘅餐廳唔多，今次嚟到油麻地一間以英超球會阿仙奴做主題嘅西餐廳，之前喺佢旺角嘅分店食過都覺得幾值得介紹！一出𨋢口已經見到好多唔同球迷特色擺設，例如一眾名宿嘅簽名球衣、紀念品，同埋仿製英超獎杯。店入面仲以地毯草模擬球場感覺，加上好光猛嘅射燈，令人有種置身博物館嘅感覺。💚 脆炸流心低卡芝士吉列西班牙橡樹果黑毛豬柳（$198）呢道足足20個字嘅main course聽落都已經夠晒啅頭，嚟過幾次都有嗌，都幾推薦！吉列豬柳入面嘅芝士真係好流心（仲要係低卡，罪惡感大減！），而且黑毛豬無普通豬肉嘅羶味，唔鐘意食豬嘅都可以試下。💚 香燒美國Creekstone牛肉眼拼法國鵝肝（$238）美國牛扒肉味都幾濃，襯鵝肝幾時都咁夾！不過比原先叫嘅5成熟就有少少過熟，如果生啲會更理想。而配菜方面都幾特別，幾欣賞佢以紫薯蓉代替一般薯條。💚 甜品除咗沙律、餐湯同飲品之外，叫套餐仲可以有優惠價 6折加甜品，叫咗一個芝士蛋糕同梳乎厘班戟。芝士蛋糕略嫌唔夠芝士味，不過勝在夠凍！反而梳乎厘班戟就真係幾抵食，不過當然就無出面打卡店果種嘅蛋白打得咁厚身，但性價比已經超晒班！整體嚟講食物比想像中出色，作為主題餐廳好