深宵食堂 (已結業)

之前睇過電影同漫畫深宵食堂，深深比裏面嘅美食吸引，之後發現有一間同名嘅餐廳喺銅鑼灣，仲要係日本菜，所以決定係試吓。餐廳門面裝修好有日本居酒屋感覺。當時大約九點發現已經有好多人，餐廳座位唔算太多，裝修好有日本風格。餐牌食物主要燒物，主食仲見到有貓飯，好似進入左漫畫世界。仲有其他款式，喺牆上仲有推介食品。首先點左個奴豆腐，豆腐好滑配合芝麻醬有種好清新嘅感覺。牛肉他他沙律賣相相當吸引，牛肉厚身半生熟而且好腍，醬汁調製好好味配合其他蔬菜一齊食，好惹味。再點左其他燒物，雞軟骨非常爽口，燒過嘅秋葵另有一番風味，煙肉荔枝卷煙肉燒微脆配合荔枝，一鹹一甜味道出奇地夾。汁燒白鱔骨燒到好脆，鮮甜爽口。芝士蟹肉玉子切開芝士同蛋汁一齊流出來，雞蛋嫩滑，而且好多蟹肉，鍾意食玉子一定要點。冰燒菠蘿新鮮菠蘿用火燒過之後，甜味出晒嚟，菠蘿仲好多汁。飲品點左菊花茶，菊花茶甜道剛好，忌廉溝鮮奶，多數都係分開鮮奶同忌廉點之後自己溝，呢度竟然有即點即溝。