K11 Bora Seafood (已結業)

我嚟哩度同幾個朋友一起慶祝我嘅生日，所以我提前預訂左位。嚟哩d海鮮非常受歡迎，但我個胃有d唔舒服，所以我今日唔食海鮮，但係食物質素絕對冇令我失望！一坐低 Captain 大Mic就介紹今日推介，招呼係一流嘅。我地首先order飲品，我d friend點左生啤，我就點了 Mojito，晚上8點之前係happy hour，所以有買一送一。我地點左一個assorted小吃拼盤，，只係＄98又真係幾抵食喎！至於主菜，我地叫左肉眼扒, 炸豬手同羊肋骨，全部都好好味。我推薦肋肉眼扒，柔滑多汁，保持原有牛肉的味道。炸豬手都好正，外面鬆脆香口，入面啖啖肉。星期三有現場樂隊（可能其他晚上都有），氣氛非常好！我地最後仲上左台上唱兩首歌，獻醜啦。。。我同幾個朋友都好享受哩個晚上。最後驚喜來了，樂隊特然唱起生日歌，Captain大Mic向我送上一個甜品盤，祝我生日快樂，感覺好窩心。我絕對推薦哩度比我朋友，我亦一定會再次到訪！中文一般般，寫得唔好請多多包涵。