影片
更多
2022-02-20
524 瀏覽
上網見到呢間就一直好想試但一直都無時間去：（咁啱今日約左朋友行山，落大雨天陰陰咁，最後揀左個好簡單嘅山行，油塘地鐵站走果時想食好啲，結果就去附近觀塘搵cafe，就見到呢間咁特別嘅cafe，廿一由八係「黃」字分支，因為兩位店主都姓黃所以就改咁特別嘅名。店舖佔左全層樓，一部分係製木工場，另一部分係賣傢俬同埋餐廳，餐廳都多人幫襯，成個格局好日式工業風，擺左好多書，由於位置不多我哋都要搭枱，成個餐廳係自助式，咁我哋叫咗2個lunch set1. 大蝦鳥魚子螺絲粉螺絲粉硬度煮得剛剛好，本身諗住呢個會係好悶冇乜特別，點知加上蒜蓉同埋特製嘅醬汁再加埋檸檬汁，好開胃，上碟時候望落去份量比較少但我哋兩個女仔食就差唔多2. Matcha latte 跟餐加32$朋友覺得幾好飲，拉花幾靚🙈🙈3. 盲曹魚薑黃椰菜花飯呢個又係驚喜之作，盲曹魚好滑好好食，仲保留住魚的鮮味，椰菜花飯好健康，本身諗住係好淡味又唔太好口感，點知原來加咗呢啲薑黃汁落去其實真係好夾，配埋個魚仲好開胃，基本上口感就好似risotto咁。跟餐加左杯earl grey latte 拉花又係一流，味道正常，淡味奶啡之選。最後仲試埋甜品，吉士蛋糕好
但一直都無時間去：（
咁啱今日約左朋友行山，落大雨天陰陰咁，最後揀左個好簡單嘅山行，油塘地鐵站走果時想食好啲，結果就去附近觀塘搵cafe，就見到呢間咁特別嘅cafe，廿一由八係「黃」字分支，因為兩位店主都姓黃所以就改咁特別嘅名。
店舖佔左全層樓，一部分係製木工場，另一部分係賣傢俬同埋餐廳，餐廳都多人幫襯，成個格局好日式工業風，擺左好多書，由於位置不多我哋都要搭枱，成個餐廳係自助式，咁我哋叫咗2個lunch set
1. 大蝦鳥魚子螺絲粉
螺絲粉硬度煮得剛剛好，本身諗住呢個會係好悶冇乜特別，點知加上蒜蓉同埋特製嘅醬汁再加埋檸檬汁，好開胃，上碟時候望落去份量比較少但我哋兩個女仔食就差唔多
2. Matcha latte 跟餐加32$
朋友覺得幾好飲，拉花幾靚🙈🙈
3. 盲曹魚薑黃椰菜花飯
呢個又係驚喜之作，盲曹魚好滑好好食，仲保留住魚的鮮味，椰菜花飯好健康，本身諗住係好淡味又唔太好口感，點知原來加咗呢啲薑黃汁落去其實真係好夾，配埋個魚仲好開胃，基本上口感就好似risotto咁。跟餐加左杯earl grey latte 拉花又係一流，味道正常，淡味奶啡之選。
最後仲試埋甜品，吉士蛋糕好正
熱辣辣上枱，鬆軟的海綿蛋糕配上蘋果茸，點上淡淡的吉士醬，為成個lunch畫上完美句號。
食完野，行下木製品區，原來店主係好興幫客人自己度身訂造適合嘅木傢俬同埋喺外面採購一啲靚嘅陶瓷品，對呢間小店除咗欣賞仍是欣賞，絕對有下次，佢仲有木製品嘅Rick shop可以參加，咁樣hea下又一個下晝，滿足。
張貼
