影片
更多
2023-10-18
48 瀏覽
早前網上見到介紹呢間香港唯一以班蘭為主題嘅蛋糕店，今日趁去開佐敦，一於入去睇下。小店班蘭產品款式唔多，主要都係蛋糕，瑞士卷同埋咖啡。聽店員講，佢地嘅食材，例如斑蘭葉，每個星期由泰國空運黎香港，每日用新鮮班蘭葉壓汁製作班蘭蛋糕，無添加人工色素或添加劑，一向喜歡食班蘭蛋榚嘅我，決定買啲返屋企試啦。鮮班蘭核桃戚風蛋糕：班蘭戚風蛋榚有分有合桃同無合桃，每日新鮮焗起，蛋榚上合桃份量都幾多，入口有好香濃嘅班蘭味，甜度剛剛好，咬落非常鬆軟，質感輕盈，濕潤度剛剛好，核桃仲增加左整體口感，非常好味。黃金板栗班蘭卷：班蘭卷夾住cream同已調味嘅栗子蓉，切開後唔易鬆散，口感軟綿綿，香濃嘅班蘭味配上滑身嘅cream 同栗子蓉，味道非常夾。班蘭咖啡：下午茶時份食蛋榚又點可以無飲品，咖啡平時就飲得多，班蘭咖啡就真係未試過，所以趁住呢個機會買返杯試下。有別於一般咖啡用上嘅牛奶，呢杯班蘭咖啡係用左椰奶，配埋淡淡嘅班蘭味，真係有驚喜。
小店班蘭產品款式唔多，主要都係蛋糕，瑞士卷同埋咖啡。聽店員講，佢地嘅食材，例如斑蘭葉，每個星期由泰國空運黎香港，每日用新鮮班蘭葉壓汁製作班蘭蛋糕，無添加人工色素或添加劑，一向喜歡食班蘭蛋榚嘅我，決定買啲返屋企試啦。
鮮班蘭核桃戚風蛋糕：
班蘭戚風蛋榚有分有合桃同無合桃，每日新鮮焗起，蛋榚上合桃份量都幾多，入口有好香濃嘅班蘭味，甜度剛剛好，咬落非常鬆軟，質感輕盈，濕潤度剛剛好，核桃仲增加左整體口感，非常好味。
黃金板栗班蘭卷：
班蘭卷夾住cream同已調味嘅栗子蓉，切開後唔易鬆散，口感軟綿綿，香濃嘅班蘭味配上滑身嘅cream 同栗子蓉，味道非常夾。
班蘭咖啡：
下午茶時份食蛋榚又點可以無飲品，咖啡平時就飲得多，班蘭咖啡就真係未試過，所以趁住呢個機會買返杯試下。有別於一般咖啡用上嘅牛奶，呢杯班蘭咖啡係用左椰奶，配埋淡淡嘅班蘭味，真係有驚喜。
張貼
