台灣ET鹽水雞 (符興街) (已結業)

最近上水少咗好多水貨店，開返啲食店，條路都寬闊咗好多，最近見到有間小店開在馬路旁，經常被紅色小巴擋住了，小小的一間不太起眼，原來是台灣ET鹽水雞店，店內只做外賣不設堂食，以前經常幫襯大圍的分店，現在上水都有就唔使出去買。平時最鍾意食鹽水雞飯，不過最近減少食澱粉質，就選擇半隻鹽水雞加三款配菜，買返屋企加餸，配菜點咗豬耳，台灣麻吉燒和甜不辣，仲有招牌洋蔥，辣度叫咗BB辣，將調味和全部食材拌勻就可以。另外仲叫咗一支冷泡茶和豆漿。拎到返屋企第一時間將鹽水雞放入雪柜冷凍，等待晚餐時間拎出黎品嚐，夏日炎炎胃口不佳，食冰凍涼菜最適合不過！鹽水雞無骨小朋友都啱食，雞肉質感比較爽脆有咬勁，豬耳爽爽的，麻吉燒和甜不辣有點似魚蛋的味道，拌著洋蔥，醬汁和蔥花食，味道不會太單一，如果有埋芫茜味道會更好。