翰林茶館 (已結業)

係客家鹹豬肉呀😍 冇諗過響間台菜會食到鹹豬肉😍 介紹返話說呢間翰林茶館同我同年出世，可以話係珍珠奶茶嘅始祖😂 嚟到香港除咗招牌茶飲之外仲有賣埋嘢食，當中有樣幾得意嘅嘢，以茶入饌，用鐵觀音製成嘅茶麵✨就咁聽落以鐵觀音製麵好似好奇怪，但食落比想像中調和，茶味唔會話好突兀，輕輕淡淡咁，麵質好有彈性，不過如果揀啲濃味嘅款式就建議第一啖食麵先，以免影響到食唔出茶麵個味道😗餸料方面我揀嘅客家鹹豬肉當然係不得了，醃得好香但又唔會鹹到過火，油脂同豬肉層次分明，肉身彈牙唔會韌，最過癮係佢響邊位沾咗啲黑椒，當堂惹味好多✨至於朋友叫個干貝蔥油拌麵又係另一種感覺，有好多干貝絲食起嚟有啲似食XO醬嘅感覺，不過對我嚟講都幾辣下，其實建議店家可以響menu度加個辣椒logo😂 另外好鐘意佢啲酸菜，夠哂重口味我食到搶嚟食😂當晚都叫咗幾多小食，最開心係有炸菇菇，用嘅係杏鮑菇，大大粒又Q彈，好香口，花枝丸同樣，而烤香腸細心地有薄薄嘅生蒜片拌住食✨最正係個滷水拼盤，所有嘢都滷得夠入味，而且少見地有豬紅，不過最推一定係豬耳，上下兩層皮位夠厚身而且幾腍下，但中間果層又依然保持脆口，好高質✨當然珍奶始祖嘢飲一定有保證，熊貓珍貴兩