港 (已結業)

今晚約朋友Happy hour, 但我地唔想去啲太嘈嘅bar, 所以我地就避開人群，走到灣仔巷弄一間bar restaurant。呢度地唔大，十零張枱， 但勝在位於巷弄盡頭，單邊開放，所以人多時可以在店外立飲都很有氣氛。Happy hour有幾款酒類飲品都有優惠，我就當然揀左啤酒，full pint價錢抵飲。餐廳另外一個特色就係佢地嘅bar food,  雖然都係簡單菜式，但就全部融入傳統嘅港式原素，西式方法煮出嘅fusion菜。好似今晚我就相中港咸檸炸雞、豆瓣醬浸椰菜花、避風塘芝士蟹腸粉三款食物。估唔到又真係幾好味唔係純粹玩gimmick喎。炸雞好嫩滑多汁，冇多餘油份或膩感，沾著咸檸檬醬汁，鹹鹹酸酸甜甜，好開胃。豆瓣醬鹹鹹辣辣嘅，但用嚟煮淡味中性嘅椰菜花就剛好。最後一道避風塘芝士蟹，拆出嘅蟹肉味道唔會好濃，撈在大量濃郁芝士醬裡再加蟹籽淋在傳統港式腸粉上面，味道出奇地夾。