野玩山店 (已結業)

呢間餐廳既主題一睇就知係玩野外活動, 成個營紮左係度, 又有各類型戶外活動裝備作裝飾, 好搞鬼喎!呢度提供半自助餐, 主菜自選, 包餐湯及飲品, 價錢都算合理價頭盤提供凍切肉片, 凍青口, 凍小食, 煙三文魚及幾款特色沙律, 未食主菜可先黎呢度食下先望下.............食物質數及選擇一D都唔求其喎, 喜歡咸香煙三文魚及凍燒牛肉片, 水準尤如酒店食咁樣! 點左呢客鐵板香煎比目魚, 有相當厚度既比目魚放置係鐵板上, 可保持魚肉既熱度, 雖知道魚肉凍左難免會影響味道! 醬汁既香味已經撲鼻, 未食已令人口水流!魚皮香脆, 魚肉算嫩滑, 唯魚油偏多, 多食覺得有D 肥膩, 總括黎講都幾好味! 呢度仲有甜品任食, 種類包括蛋糕, 馬卡龍, 焦糖布甸, 各式生果咁, 包保梗有一款岩胃口!侍應有禮, 回補食物都好快, 唔怕會無得食, 價錢合埋又無限時任坐, 怪唔之得當晚全場爆滿!