影片
更多
2022-08-07
148 瀏覽
咁岩去左白石角探朋友，諗住食埋晚餐先番屋企，之後朋友就介紹左農俾我地試下特色中菜，果然係無介紹錯。首先一入餐廳，環境係新派中菜的格局，播著耳熟能詳的華語歌曲，感覺已經唔錯，不過估唔到食物先令我地覺得有驚喜!首先前菜揀左檸檬鳳爪同埋滷水豆腐，前者係無骨鳳爪，所以食落比較方便，另外加左醋加檸檬，味道比較清新，係一道開胃的前菜。至於後者望落好似其貌不揚，不過豆腐都餣得入味而滷水汁唔會死鹹，同時都夠晒滑嫰。至於炸乳鴿都炸得唔錯，至少夠晒油分而肉唔會過鞋。之後就黎田園盤裁，呢道菜一上枱已經充滿驚喜，當中其實有三款前菜，其中一款係扮蕃薯，為求營造迫真效果，所以佢特登用上類似平時食開皮蛋酥的皮，內裏的餡再分為兩層，包括味道比較濃郁的紫薯以及入口質感比較滑的蕃薯蓉，無論造型同埋味道的細緻程度都做得好好。至於其餘兩款係炸芝士同埋炸奶黃，外皮脆脆地而味道都不俗，而「泥土」就係Oreo 餅碎，可見得出呢道菜幾花心思!其後就係燉湯，見佢用茶壺已經覺得特別，原來係椰子雞湯，味道夠晒鮮甜，基本上椰子同雞肉本身都係絕配，再用燉的方法令氣鍋雞湯更加入味。同時間都上左山寨叉燒，呢道菜又係好有諗頭，驟眼望落好似係叉燒，但
首先前菜揀左檸檬鳳爪同埋滷水豆腐，前者係無骨鳳爪，所以食落比較方便，另外加左醋加檸檬，味道比較清新，係一道開胃的前菜。至於後者望落好似其貌不揚，不過豆腐都餣得入味而滷水汁唔會死鹹，同時都夠晒滑嫰。至於炸乳鴿都炸得唔錯，至少夠晒油分而肉唔會過鞋。
之後就黎田園盤裁，呢道菜一上枱已經充滿驚喜，當中其實有三款前菜，其中一款係扮蕃薯，為求營造迫真效果，所以佢特登用上類似平時食開皮蛋酥的皮，內裏的餡再分為兩層，包括味道比較濃郁的紫薯以及入口質感比較滑的蕃薯蓉，無論造型同埋味道的細緻程度都做得好好。至於其餘兩款係炸芝士同埋炸奶黃，外皮脆脆地而味道都不俗，而「泥土」就係Oreo 餅碎，可見得出呢道菜幾花心思!
其後就係燉湯，見佢用茶壺已經覺得特別，原來係椰子雞湯，味道夠晒鮮甜，基本上椰子同雞肉本身都係絕配，再用燉的方法令氣鍋雞湯更加入味。同時間都上左山寨叉燒，呢道菜又係好有諗頭，驟眼望落好似係叉燒，但食落去先知原來係牛肉黎，肉質無overcooked，而食落去充滿叉燒醬及香料的味道，無論賣相同食物方面，都能夠做到以假亂真的「叉燒」。
休息唔夠10分鐘，再黎兩道主菜，分別係蜑家水果粟同埋避風塘軟殼蟹。前者其實係類似避風塘炒法，估唔到配上白肉粟米，所以食落去除左係有避風塘香辣的口味外，仲滲透出陣陣的甜味，唔怪之道菜叫水果粟。後者道菜份量都比較大份，不過唔係只係得份量，味道都做得幾好，食得出佢地用的炸粉夠晒薄，味道亦都調得岩岩好。
接住就係荷葉飯同埋甜品，講到有少少最後「去飲」的感覺。荷葉飯一拎出黎已經聞到荷葉香味四溢，而檽米飯又夠晒入味，本身8成飽都忍唔住要試多幾啖。甜品今次就攪左熊仔藍苺芝士蛋糕同埋貓山王榴槤，後者印象比較深刻，個榴槤餡係一絲絲咁，而味道都好濃郁，證明係真材實料。總括而言，整餐帶來的感覺非常滿意，估唔到係白石角有呢類中菜廳，值持推薦俾大家!
張貼
