玉子造屋 (已結業)

聽到餐廳名叫”玉子造屋”，大既都估到主打係雞蛋類食物。但反而今晚我地極少叫有玉子既菜式。我地點了胡麻豆腐野菜沙律、清酒煮蜆、壽喜燒、芥末八爪魚、龍蝦蟹肉親子丼，今餐非常豐盛。壽喜燒絕對係我的最愛，甜甜既醬油味湯底配上主角牛肉，而鍋裡更有鳴門卷及多款菇菌。另一推介龍蝦親子飯，見到有半隻滿滿龍蝦膏既龍蝦在飯碗上即刻出現心心眼，呢個係唯一有玉子既菜式，而特別在飯底唔係白飯，而係炒飯，炒得爽口夠味👍🏻。