影片
更多
2017-12-12
170 瀏覽
成日夢想可以唔使點做野，日日都可以約下D朋友下午茶，傾吓計，講下東講下西。但係唔知幾時先至有呢個機會，今日率先試下箇中感覺先。今日揀咗一間新嘅餐廳，見到有下午茶嘅套餐啱晒兩個人食，上到去先知原來呢一間係黃長興新開的餐廳，剩係見到拒紙牌個樣都冧左一下，哈。。少女。。呢一個下午茶嘅套餐會有鹹點，亦都會有甜點。用一個三層高嘅籠架盛載出嚟，望落去十分之典雅，高貴，食品都非常精緻。再配埋兩杯熱飲，剩係影相都影左15分鐘。首先去第一層就會有一個三文魚嘅牛角包，另外仲會有一個匙羹載着煙燻𩶘魚配牛油果，我覺得呢個非常之特別，魚煙韌當中帶點牛油果嘅軟滑質，十分不錯。第二層有一個黑椒牛粒串蕃茄，黑椒相當惹味，口感軟熟，再配上酸酸甜甜的蕃茄，更覺開胃。我朋友好喜愛呢個芒果杯，好可愛嘅花花朱古力做點綴，內裡係軟滑嘅酒香布丁。最底層的甜品有三種，有馬卡龍，士多啤梨千層酥皮同忌廉撻。我特別喜愛係千層酥皮，一共有三層，鬆脆得嚟有餅香，做得恰到好處，還有上面的士多啤梨係用上鮮甜的，不會吃下去酸溜溜。還有這個鬆餅，雖然是另外一碟上，但絕對不能小看。是熱烘烘的，外表看似堅實但入面卻鬆軟得很，入口即溶。入面用的提了是有酒香
今日揀咗一間新嘅餐廳，見到有下午茶嘅套餐啱晒兩個人食，上到去先知原來呢一間係黃長興新開的餐廳，剩係見到拒紙牌個樣都冧左一下，哈。。少女。。
呢一個下午茶嘅套餐會有鹹點，亦都會有甜點。用一個三層高嘅籠架盛載出嚟，望落去十分之典雅，高貴，食品都非常精緻。再配埋兩杯熱飲，剩係影相都影左15分鐘。
首先去第一層就會有一個三文魚嘅牛角包，另外仲會有一個匙羹載着煙燻𩶘魚配牛油果，我覺得呢個非常之特別，魚煙韌當中帶點牛油果嘅軟滑質，十分不錯。
第二層有一個黑椒牛粒串蕃茄，黑椒相當惹味，口感軟熟，再配上酸酸甜甜的蕃茄，更覺開胃。
我朋友好喜愛呢個芒果杯，好可愛嘅花花朱古力做點綴，內裡係軟滑嘅酒香布丁。
最底層的甜品有三種，有馬卡龍，士多啤梨千層酥皮同忌廉撻。我特別喜愛係千層酥皮，一共有三層，鬆脆得嚟有餅香，做得恰到好處，還有上面的士多啤梨係用上鮮甜的，不會吃下去酸溜溜。
還有這個鬆餅，雖然是另外一碟上，但絕對不能小看。是熱烘烘的，外表看似堅實但入面卻鬆軟得很，入口即溶。入面用的提了是有酒香的，更加提升了鬆餅的層次感。
以外表來看整個餐絕對係無得輸，味道方面水準都很高。還有一點係我覺得要讚許的，就是他喺不同的點心中用上了不同的酒，雖然我不懂得欣賞酒，但它整出嚟的食物果真有另類的感覺。
張貼
