MX (友誠商業中心) (已結業)

打邊爐除咗一大班人大吃大喝之外，一個人自己食都幾悠然自得架，獨自快樂！今晚就去咗美心MX嘆返吓整返個【酒不醉人醉雞火鍋】，火鍋料有醉雞件、雞肉片、飛魚子雞滑、赤海蝦、雲吞、時蔬、烏冬、油揚、炸魚片頭、蟹棒、南瓜片、白蘿蔔片、粟米。比起喺火鍋店，呢度最大特色係平平哋就食到好多款食材，$69蚊13款食材，除返開每款先$5左右，都仲未計湯底，自己買材料返屋企打都唔得啦。我就揀咗個花雕藥膳湯底，同醉雞係perfect match。湯底滋補夠風味，醉雞夠滑又入味，連我呢個「醉雞粉」都大讚。其實一人一鍋都唔駛一個人食咁獨L嘅，三款火鍋三種湯底咁多配搭。