泰之味 (已結業)

19-2-2009原本0係另一間九龍城泰菜館的 3 人飯聚突然取消, dinner 又要食自己, 求其入了呢間地 mou 店搞掂. 叫了冬蔭公海鮮湯河 ($55), 加個青檸梳打冰 ($18) in case 要「救火」.青檸梳打冰原來係無青檸的, 只係青檸味的汽水, 飲落唔夠凍, 明明面頭浮了幾舊冰0架喎? 真奇怪.再0黎湯河, 冬蔭公湯底帶青檸的清香, 味道酸酸的, 夠晒香辣, 不錯喎; 河粉薄薄滑滑, 有 d 幼得似金邊粉, 有 d 就粗得似闊條麵 (!!); 配料有兩隻幾彈牙但無味道的無頭蝦, 帶雪味又霉霉的魚, 不過不失雪藏青口, 魷魚 + 魷魚鬚, 雞脾菇及蕃茄 (!?!?), ok 吧. 湯底不錯的冬蔭公, 幾滿意的.食店鋪位細得很, 坐近門口已近乎 mou 街, 不過衛生可以接受的; 招呼亦唔係樓下講得咁差, 阿姐有點 cool, 但有求必應亦幾有禮貌, 地 mou 店0黎講算 ok 吧 -- 招呼比佢更差的, 大有「店」在!埋單 $73, 唔平, 食物算 ok, 可以一試.