接近放工時間，竟然一個客都冇。。。
佢本來應該手機落單，但見我一個人，職員就offer人手落，但最後我都手機落，因為我發現有實體餐牌無嘅山椒油拌麵，仲可以揀蔥量㖭
唔使5分鐘就上菜，佢有2，3塊煙燻火雞，一塊叉燒，一大堆木耳同筍，中間有隻蛋黃，賣相都幾靚。唔知係咪想強調有落山椒油，支匙羹上有一滴山椒油><
未食就聞到浸山椒油味
塊火雞肉做到幾嫰，唔鞋口，啲雞皮仲要係爽口
而且仲有浸煙燻味叉燒都算叫厚切，有1cm，啲脂肪位都入味，唔會好柴
大熱天時食涼涼地嘅拌麵，啲麵質正常發揮，但撈埋啲木耳絲同筍絲一齊食，夠味，好有口感
啲山椒油真心勁，越食越辣，唔小心咬爆左粒山椒仲辣，下次食呢碗麵都真係要配返杯飲品，好彩佢都有杯水頂吓。
坦白講，我對日式拉麵，拌麵無特別喜好，不過呢間唔差，起碼唔會好鹹，食完好口渴
4
