清真牛肉館 (龍崗道) (已結業)

「清真牛肉館」的牛肉餅的而且確好值得試，無論外賣堂食都有水準，但係就別無其他，名副其實獨沽一味。星期日，行經九龍城，心血來潮買個牛肉餅食。我只係買兩個「咁大把」，收銀個阿姐問：「要唔要盒？」，我當時心想：「有無搞錯，咁唔環保」，我問加盒是不是要錢，她好晦氣答：「貴$1囉」，我又想：「啊~盒錢都係轉嫁消費者啫」，於是我答不需要。本來小事一樁，殊不知阿姐聽到之後態度更差，話餅穿了的話不會換過呀，我答「得喇」，她又好勞氣繼續講：「唔係呀，我講明你知呀，穿了不換呀」之類的說話。我當時都幾㷫，已經答知喇，阿姐你照落單即可，又要比說話人聽，總之比我的感覺就是「你連$1都不比呀？」。知你間舖好巴閉，大排長龍。我作為前九龍城街坊，知道其實好多龍城食店都出名好食，不過名氣比「清真牛肉館」略遜，但人家仍然保持到有禮、有人情味的舊社區作風。似乎「清真牛肉館」要學習一下。