橫浜街場 (已結業)

橫濱街場，聽到名會覺得日本得黎有啲mk，一行入餐廳環顧四周，會令你仿佛置身旺角街場咁，別有一番風味。橫濱街場主打養生、健康的噴泉火鍋，第一次來到便試了藥膳竹絲雞鍋，一上就聞到濃郁的藥膳味，飲到真材實料的人參味，的確是養生人士的必選推介。噴泉火鍋之所以會叫噴泉原來係因為桶入面有幾個小洞不斷噴湯出來，頗有睇頭。我們兩個人點了一碟手切肥牛，分量恰到好處，而且脂肪分佈平均，食落不會太油膩。另外還點了兩份海鮮拼盤，分別有龍蝦半隻、扇貝一個、虎蝦一隻和鮑魚一隻。龍蝦的肉新鮮、結實，有別於一般平價龍蝦的鬆散肉質，橫濱街場絕對令你改變平嘢無好嘢的觀念。當然，其他三款海鮮同樣新鮮，尤其虎蝦的確頗有鮮味。最後我們還點了香茅咸檸七，香茅插在杯中，味道不會蓋過咸檸七的味道，但盡顯新意。侍應看見我們的薯粉在鍋裏一去無回頭就主動遞上一個篩，十分細心。