辛手村 (已結業)

[ 辛手村 ]今日約埋朋友一齊食辣野，上網見到呢間有自家獨創嘅麻辣黑松露/日式壽喜燒味干鍋，好想試吓🤤🤤🤤餐廳仲有串燒食，啱哂我。辛手村 2人Set 唔想諗·即刻食 $498小食/串燒✿ 辛手雞肉軟骨棒✿ 川燒翠玉瓜✿ 川燒經典豬頸肉串燒全部即點即燒，雞肉軟骨棒咬落有軟骨脆脆嘅口感；翠玉瓜燒得juicy，一口爆汁呀💦；豬頸肉超爽口唔韌，推介！全部串燒調味恰到好處，唔會過咸。干鍋✿ 麻辣黑松露味干鍋 +$15其實兩款自創口味都好吸引，最後揀咗麻辣黑松露。松露味非常香口，唔會過份濃郁而蓋過麻辣味，反而同麻辣互相平衡到。干鍋本身已經包咗土豆、娃娃菜、蓮藕&白飯2碗，另外再揀咗4款配料。蓮藕炸過，好脆口，有驚喜！而另外4款配料有蝦、豬頸肉、雞軟骨、蟹柳。全部都沾滿麻辣黑松露&大量蔥花&芝麻。飲品✿ 荔枝烏龍冰茶 ✿ 鳳梨烏龍冰茶 🍍兩款冰茶都大大杯，解膩一流呀！甜品✿ 柚子冰粉食完辣野最後食埋個冰粉做結尾，冰粉食完透心涼，感覺無咁熱氣🤣🤣總結🫦餐廳走簡約風，有bar枱位同埋有酒飲。店員話原來每晚9點30會調較燈光，搖身一變成酒吧，啱哂同朋友邊食辣野邊飲野chill 吓🍻🍻✿✿✿✿✿✿✿✿✿✿✿