WOFT (已結業)

天氣真的好熱，太陽光底下行一陣已經汗流浹背，決定躲進餐廳裏食個早點的晚餐吧。來到WOFT餐廳，見佢旁邊有間獨立房，可以推埋bb車入，幾好喎，夠濶又幾好坐咁。叫了呢個黑松露薯條，以為係松露醬，但原來係芝士為主，加上少許黑松露，黑松露味欠款，但芝士香濃，半滆狀態好好味。再叫左白汁烤大蘑菇，蘑菇多汁鮮嫩，入面讓左芝士，煙肉等，咬落又爆汁又帶咸香，正。再叫左兩個全日早餐share食，左邊係法包全日早餐，右邊係英式全日早餐，配料基本上相同，都係有蛋，煙肉，燒蕃茄，豬肉腸，茄汁豆等，一系列現醒材料好難話唔好食，法包吸了醬汁幾正，右邊多配了窩夫同蟹餅，窩夫較乾身但勝在有蛋香，蟹餅亦炸得香脆，兩者整體感覺不錯。一家人黎食就不叫有酒精飲料了，叫了靚靚的mocktail，其實就係沙冰了 呢杯係荔枝味。士多啤梨味，堆成小山丘。mint味，三杯都係靚靚又消暑 最後追加一客甜品作結，double chocolate的雞蛋仔，自從多了雞蛋仔機面世後，多了很多雞蛋仔甜品呢，今日要了朱古力味，真係每一粒雞蛋仔入面都有一粒朱古力，蛋味朱味都夠，熱辣辣軟綿綿好正喎。食左咁多埋單六百幾蚊，都ok喎。