九町屋 (已搬遷) 新店位置

最近前同事約食飯，話發現左公司附近嘅一間小小居酒屋，超高質之餘仲要夠價錢抵食👻係真唔係就要試過先知啦！九町屋位處於水星街，近住炮台山地鐵站A出口🚉位置都好易搵！門面夠光猛，仲有大大隻狸貓迎賓😳✨蒲燒鰻魚便當🍱便當內容夠哂豐富，除咗有主角鰻魚之外，仲有前菜帆立貝裙邊、迷你甜蕃薯🍠、小丸子，當中蕃茄仔超有驚喜🍅加咗特製調味，甜甜酸酸勁開胃！🔸醬燒雞排配烏冬烏冬同濃濃豬骨湯一定係絕配☺️無得輸啦！最抵讚係個醬燒雞排，非常入味且腍身，勁好食！⭐️嚟食居酒屋🏮就當然要叫下小食～吉列炸蝦夠乾身，麵包糠唔會太厚🍤餃子亦煎到脆卜卜🥟2種小食亦幾有水準，唔錯唔錯🔎！檸檬梳打🍋 & 蜂蜜紅茶☕️九町屋整體質素真係唔錯，價錢合理食物質素好，性價比非常高👻重點坐得舒服又唔洗同人逼😆✨