合十 (已結業)

嚟呢間餐廳，主要原因系因為可以帶埋狗狗一齊去！呢間餐廳，之前都見過人帶狗狗去打卡，佢有個位有帳幕卡位，好多狗都喺果個位置影相。當晚氣溫唔算好熱，同埋預咗狗狗應該系要坐戶外。餐廳都做足通風，數埋應該有10幾部大風扇，對抗到外邊嘅熱氣。作為一間pet welcome餐廳，員工對狗狗好友善，主動提供咗風扇同冰水，服侍得狗狗好周到🥰講返嘢食先。菜式系西式又有啲泰式。我哋叫咗其中一個冬陰功海鮮扁意粉就系喇。食落非常惹味，冬陰功濃湯出色，偏辣少少。海鮮種類好豐富。另一個吸引嘅菜式系巨型豬扒跟薯菜。乾煎豬扒食落有少少乾，點咗醬汁就啱啱好。豬扒份量真系超級無敵巨型。要飽住食埋佢。呢個炸蠔不得了，個醬汁系類似薄荷醬，加埋一齊食去油膩，即刻食多幾舊。夏天飲返杯特飲又系無得輸。