% Arabica (The Pulse)

農曆新年最後一日假期，年初四， 陽光燦爛， 但氣溫只有14度， 有啲凍， 趁住好天色， 同閨蜜去淺水灣飲杯靚咖啡。 喺商場通道上 ，就有咖啡店。 最開心就係狗狗友善店，唔同品種嘅靚狗狗 ，精心打扮 ，著到好似舞獅咁 ，喺商場度行嚟行去 。於是決定買兩杯咖啡 坐喺窗邊， 曬住冬日嘅太陽， 睇住來來往往嘅開心❤靚狗狗🐶， 偷得浮生半日閑 ，一杯熱latte， 飲出假日嘅空閒， 45蚊 1杯 咖啡☕，唔貴， 好香好熱， 窗邊嘅座位寬敞光亮， 友善的狗狗🐶喺旁邊轉嚟轉去，不亦樂乎， 真係一個與狗🐶同樂嘆咖啡嘅好地方 ，如果冷氣開得細啲仲好， 因為頭頂好大風， 本來唔凍嘅室內， 都變得陣陣涼快。🤪