八哥主題餐廳 (已結業)

新年帶埋仔仔同一班姊妹食飯逗利是，㨂餐廳有得book 位最緊要，仲要唔限時間交枱，可以慢慢食慢慢傾。地方唔迫夾，座位舒服，八哥擺設亦幾得意。最抵讚係一入座話要BB櫈，姐姐即刻拎張BB櫈，噴清潔劑抹抹抹先幫我放好。呢樣野連好多親子餐廳都冇見過。6大1小叫左個4人set，再加fish and chips (+$30 加芝士）墨汁海膽帶子飯 同 carbonara.龍蝦湯好好味，足料前菜要雞膇 同 軟殻蟹沙律 小朋友好鍾意個雞膇，軟殼蟹亦算大隻，幾婇味Fish and chips 就一般，個芝士....唔加好過海膽帶子飯咸左啲同有啲硬，carbonara 亦不過不失反而set main course 個慢煮牛肋肉同ribs 就好好味，但前面食得太飽，變左個main course 咁多肉有啲漏，但真係好好味。最後有4份甜品，係士多啤梨雪糕+ cream同一件tiramisu. 雪糕下面係有八哥嘅盆景，都幾得意。其實湊住個小朋友又要吹水又要食，呢度都係唔錯選擇，食物份量都ok. 最好係佢唔會放到啲枱密質質，今晚都滿座，但一樣傾到計，隔離係一大班人幫小朋友慶祝生日都唔會嘈到。坐得好舒服。