十八座狗仔粉

營業中

休息中

今日起身十點鐘食咗個早餐非常之飽，搞到成點幾兩點都未肚餓，所以食lunch嘅時間就推到好遲。個肚仲飽飽哋，所以搵啲輕擎嘅嘢黎食就算數。咁就貢咗去十八座狗仔粉坐低。裝修就一般般啦，但係牆上面就貼咗好多明星相。我哋叫咗兩碗最馳名嘅十八座狗仔粉同埋一個雙拼豬皮大腸。狗仔粉我哋走辣，覺得咁樣先至可以食到原汁原味唔會畀啲辣味冚咗。佢哋啲湯係好“杰” 差dd可以稱為。撈埋啲葱、菜脯一齊既口感非常之豐富。 如果你哋鍾意食豬油渣可以加錢有得食。但係我哋嗰碗佢免費撈咗一粒豬油渣落去非常之惹味。但係佢哋啲狗仔粉係長時間浸住喺湯裏面，有客叫就上碗，所以浸到有啲淋淋地。我覺得佢哋啲狗仔粉同啲湯應該分開等有人叫先撈返埋一齊會爽好多。豬皮同大腸同出面車仔麵檔差不多味道。唯一嘅分別就係嗰醬比較惹味。可能而家香港百物騰貴， 佢哋碗豬皮大腸双併份量比較少。