潮州邨 (已結業)

食到已經捧住個肚，等到太座收工，再食埋正餐真係食唔到好多嘢，但太太都要食gar ma...都叫咗三個餸，最後飽到暈...主要係為咗碟鵝肝而嚟。入口甘香豐腴，軟淰淰好似食緊軟雪糕咁，又夠入味。如果可以做多一步，挑走入面嘅"根"，咁就係完美嘅中式鹵鵝肝...雖則如此，水準依然極高，絕不比西弍foie gras遜色。太太呢個"肝"迷亦感滿意...搭單叫嘅鵝片就唔多得。肉韌，唔夠肥，比陳勤記差個十萬八千里...蠔烙係真正"煎"出嚟而唔係求其放入一堆滾油入面"酥炸"而成，乃真正潮式做法。鴨蛋份量唔算少(雖用咗少少雞蛋亦少不免嘞)，可惜蠔仔唔夠肥美，魚露份量亦只一小碟，太孤寒la..要扣分...方魚味道香到加零一，用嚟炒芥蘭就fit晒。芥蘭亦夠爽口...單係鵝肝一味，已可以俾個笑臉佢...