影片
更多
2018-08-04
2114 瀏覽
8月8號起我有排都冇談好食，因為老子D牙要大修重整期長達個月！老婆大人有見及此近排都不停同我食好嘢！今次去我冇食過嘅薈景食自助餐！一行入去見到即開蠔陣，今晚食Coffin Bay生蠔啱我口味喎！再行前D有沙律區，數得出嘅都差不多有自己撈啦！再唔係懶懶哋咪食現成囉！其中嘅西瓜芝士沙律配南瓜籽好鬼正！ 仲有大量生果，凍肉芝士呀咁食頭盤都飽晒！不過凍海鮮咁正點都要留位，，有開邊龍蝦、龍蝦鉗、青口、紅花蟹、海螺、鱈場蟹腳和海蝦全部都好靚仔！ 刺身係我最關心的項目，吞拿魚、平政魚、八爪魚、帶子、赤蝦及三文魚都好啱胃口，仲有飽肚嘅壽司同卷物。 牛迷有燒美國特級牛肉、燒羊架，另有白酒煮蜆、爐端燒龍蝦尾等即製食品！ 仲有好多熱辣辣食物可揀點心、清湯燉牛腩、蝦醬花枝蝦乾炒時蔬、上湯蒜子雲耳杞子浸時蔬、蒸多寶魚、沙參玉竹百合煲唐排、燒腩仔、片皮鴨，燒雜錦串燒、鹽燒鯖魚、照燒鱈魚、清酒煮海螺、鰻魚炒飯、即淥紫菜肉碎湯麵多不勝數！ 仲有香氣引人的印式美食，印式薄餅、香飯、印式咖哩羊肉、素菜馬莎娜、印式魚咖哩、印式烤雞！ 甜品區有好多款式，冷熱都有齊啱晒甜品迷瘋狂大擦！ 唔好多廢話開餐喇喂！ 生蠔夠肥仔
一行入去見到即開蠔陣，今晚食Coffin Bay生蠔啱我口味喎！
再行前D有沙律區，數得出嘅都差不多有自己撈啦！
再唔係懶懶哋咪食現成囉！其中嘅西瓜芝士沙律配南瓜籽好鬼正！
仲有大量生果，凍肉芝士呀咁食頭盤都飽晒！
不過凍海鮮咁正點都要留位，，有開邊龍蝦、龍蝦鉗、青口、紅花蟹、海螺、鱈場蟹腳和海蝦全部都好靚仔！
刺身係我最關心的項目，吞拿魚、平政魚、八爪魚、帶子、赤蝦及三文魚都好啱胃口，仲有飽肚嘅壽司同卷物。
牛迷有燒美國特級牛肉、燒羊架，另有白酒煮蜆、爐端燒龍蝦尾等即製食品！
仲有好多熱辣辣食物可揀點心、清湯燉牛腩、蝦醬花枝蝦乾炒時蔬、上湯蒜子雲耳杞子浸時蔬、蒸多寶魚、沙參玉竹百合煲唐排、燒腩仔、片皮鴨，燒雜錦串燒、鹽燒鯖魚、照燒鱈魚、清酒煮海螺、鰻魚炒飯、即淥紫菜肉碎湯麵多不勝數！
仲有香氣引人的印式美食，印式薄餅、香飯、印式咖哩羊肉、素菜馬莎娜、印式魚咖哩、印式烤雞！
甜品區有好多款式，冷熱都有齊啱晒甜品迷瘋狂大擦！
唔好多廢話開餐喇喂！
生蠔夠肥仔鍾意就多食幾粒喇！
刺身隻赤蝦同帶子都係正物必吃呀！
食肉獸嘅我梗係要鋸件靚牛、羊肉啦，食完充滿力量啊！
再食D點心同日式燒物，嗰支帶骨肉腸好好味皮脆肉香！
即煮白酒煮蜆用大大隻嘅蕃薯蜆煮，加埋牛油香到冇朋友！
不過最正都係燒龍蝦尾，焦香又多汁嘅龍蝦肉勁鮮甜！
最後整碟咖哩就飽晒！呢道D薄餅好正宗好正！
甜品飽到上心口只吃咗呢杯靚靚嘅白酒啫喱，意思意思算了！！希望種牙工程順利完成快D再可食好西！
張貼
