犢食 (已結業)

黃色經濟圈今次去到觀塘工廈試下間小店 — 犢食，主打丼飲同湯咖哩。店舖空間闊落，窗口位街景望住axa商廈。犢食牛肉丼、牛肉湯咖喱定食 — 店舖嘅主打。牛肉丼嘅牛肉份量好足，而且冇煮得太耐令啲肉質變硬，雖然個汁有少少鹹，不過撈飯食都算減輕番個鹹味，可以一試。👍🏼👍🏼牛肉湯咖喱定食比預期出色😆本來抱住湯咖喱會好水，無咖喱味嘅心態嚟食，反而有驚喜。咖喱味濃，湯唔會太稀亦唔會太澀，而伴碟方面有茄子🍆西蘭花🥦菇🍄 薯仔🥔 ，咖喱幾入味，唔係嗰啲用水煮完就鋪上面。湯咖喱可以選擇跟飯或者轉烏冬都可以😄蜜糖漬小番茄，男朋友覺得釀得幾入味，味道特別，唔似食緊番茄🍅，創意加分👍🏼而免治雞軟骨串，不錯之選。雖然呢個雞軟串同其他餐廳味道差唔多，不過外層塊又燒得幾爽，幾香。🆗黃店經濟圈，一齊去懲罰黃店。