影片
更多
2021-08-03
183 瀏覽
門面簡單整潔，入到黎都有種地道嘅感覺。咖喱叻沙湯海鮮麵一大碗有齊唔同配料：大蝦、魷魚、青口、腐角、蟹柳等等，我另外加咗豆卜。湯底真係非常濃郁，用咗豬骨、鮮雞、香茅同埋薑等等嘅配料熬製，真係具有南亞風味！辣味蝦湯蜆肉肉骨麵湯底一樣非常吸引，用咗辣椒、蝦乾、洋蔥等等配料，加上肉骨手炒超過七個鐘，做成嘅肉汁再熬製。雖然湯底層次豐富，但係都冇阻擋蜆肉嘅鮮味，加上大大份嘅肉骨，真係令味覺有新嘅衝擊。另外order左兩款小食：馬來香炸雞翼同沙嗲醬魷魚翼。雞翼就香脆可口，魷魚翼喺市面上就比較少見，食落去非常彈牙，而且仲配上清新嘅秋葵，我自己好鍾意呢個配搭。分別叫咗呢度好出名嘅冰糖檸檬薏米水，飲落去非常健康，我仲order左多薏米，真係成杯啖啖都係薏米好滿足。另外仲有一杯白咖啡，係馬來西亞嘅咖啡，鍾意飲咖啡嘅朋友可以試吓。呢度仲有好多香港人嘅紀念品可以購買，全部都好有創意好特別！
咖喱叻沙湯海鮮麵
一大碗有齊唔同配料：大蝦、魷魚、青口、腐角、蟹柳等等，我另外加咗豆卜。湯底真係非常濃郁，用咗豬骨、鮮雞、香茅同埋薑等等嘅配料熬製，真係具有南亞風味！
辣味蝦湯蜆肉肉骨麵
湯底一樣非常吸引，用咗辣椒、蝦乾、洋蔥等等配料，加上肉骨手炒超過七個鐘，做成嘅肉汁再熬製。雖然湯底層次豐富，但係都冇阻擋蜆肉嘅鮮味，加上大大份嘅肉骨，真係令味覺有新嘅衝擊。
另外order左兩款小食：馬來香炸雞翼同沙嗲醬魷魚翼。雞翼就香脆可口，魷魚翼喺市面上就比較少見，食落去非常彈牙，而且仲配上清新嘅秋葵，我自己好鍾意呢個配搭。
分別叫咗呢度好出名嘅冰糖檸檬薏米水，飲落去非常健康，我仲order左多薏米，真係成杯啖啖都係薏米好滿足。另外仲有一杯白咖啡，係馬來西亞嘅咖啡，鍾意飲咖啡嘅朋友可以試吓。
呢度仲有好多香港人嘅紀念品可以購買，全部都好有創意好特別！
張貼
