影片
更多
2023-06-27
3249 瀏覽
餐廳位於旺角瓊華中心，除左有主打嘅秘製滷水鍋及任食牛頸脊外，仲有特色手搖海鮮袋，除左飽之外，質素仲唔錯，都好易吃回本。B餐起先有手搖海鮮袋，正價時段$298，九時後入座$258，限時120分鐘。手搖海鮮袋 (蒜蓉味) - 共有三款口味可款，另外仲有麻辣及醬油漬味，海鮮有波士頓龍蝦、北海道元貝、鮑魚、魷魚筒、沙白，配菜有粟米。金蒜加蒜油製嘅醬汁具蒜香，唔會太濃太重口味，但蒜油輕微油膩。海鮮整體新鮮，波龍肉質爽彈，連龍蝦鉗都預先敲碎左，食落幾方便；元貝幼嫩清甜；沙白都算厚肉多汁。第二步先係火鍋，湯底有六款可選，最多人揀應該係招牌滷水鍋，湯底夠濃厚，味道香甜，但食落感覺唔會太膩。儘管有數款牛肉可選，如牛板腱、牛肩胛及肥牛，但我主要Encore安格斯牛頸脊，其牛味濃郁，脂肪比例適中，但輕微油香，食落都夠香滑，一板有四塊，厚薄適中，每次落訂最多可點三板，上菜夠快，牛肉一兩分鐘就送到，就算追加速度都係同樣咁快，若你驚食唔切的話，倒不如先驚食唔曬。呢度點菜一份嘅份量都唔少，例如一份鵝腸就有一碟滿嘅，逾十多條頗長嘅鵝腸，帶適量脂肪，口感爽滑，幾香口，平時中菜館百幾蚊炒碟肥鵝腸都真係無咁多。沙白及海蝦等
B餐起先有手搖海鮮袋，正價時段$298，九時後入座$258，限時120分鐘。
手搖海鮮袋 (蒜蓉味) - 共有三款口味可款，另外仲有麻辣及醬油漬味，海鮮有波士頓龍蝦、北海道元貝、鮑魚、魷魚筒、沙白，配菜有粟米。金蒜加蒜油製嘅醬汁具蒜香，唔會太濃太重口味，但蒜油輕微油膩。
海鮮整體新鮮，波龍肉質爽彈，連龍蝦鉗都預先敲碎左，食落幾方便；元貝幼嫩清甜；沙白都算厚肉多汁。
第二步先係火鍋，湯底有六款可選，最多人揀應該係招牌滷水鍋，湯底夠濃厚，味道香甜，但食落感覺唔會太膩。
儘管有數款牛肉可選，如牛板腱、牛肩胛及肥牛，但我主要Encore安格斯牛頸脊，其牛味濃郁，脂肪比例適中，但輕微油香，食落都夠香滑，一板有四塊，厚薄適中，每次落訂最多可點三板，上菜夠快，牛肉一兩分鐘就送到，就算追加速度都係同樣咁快，若你驚食唔切的話，倒不如先驚食唔曬。
呢度點菜一份嘅份量都唔少，例如一份鵝腸就有一碟滿嘅，逾十多條頗長嘅鵝腸，帶適量脂肪，口感爽滑，幾香口，平時中菜館百幾蚊炒碟肥鵝腸都真係無咁多。
沙白及海蝦等海鮮都幾新鮮，沙白無沙，鮮甜多汁；海蝦肉質爽彈。
除此之外，餐廳仲有唔少丸類、時蔬，而牛柏葉、豬紅、水魷等等當然唔少得，其中，潮洲牛丸口感都幾爽滑，肉汁豐富。
餐廳仲有德國生啤，麥味較濃郁，B餐及C餐嘅食客可自行無限添飲。
張貼
