啤啤Bear韓國包車 (已結業)

今晚Friday night約咗朋友去諾士佛台飲酒，喺飲嘢之前緊係要喺多少少嘢啦～今次朋友就介紹咗呢間啤啤bear韓國包車，一入到去已經好有氣氛，佢嘅音樂同裝修都好年輕好韓國嘅感覺，可以瘋狂打卡😎入邊嘅嘢食樣樣都好吸引，前菜我哋叫咗炸紫菜粉絲卷，熱辣辣超脆口！燒烤方面叫咗兩隻大虎蝦同大帆立貝，兩樣都好鮮味，係即叫即燒😋另外仲叫左烤五花肉，燒得好靚，而且份量好多，加上菜、蒜蓉同秘製辣醬，好惹味👍🏻主食方面叫左麻辣韓式燉雞同黑松露芝士炸醬麵，前者d雞肉好滑，加上因為係成個爐上，所以越煮越入味，特別係啲薯仔蘿蔔同粉絲，索曬d汁好正！後者係普通炸醬麵，不過喺加上黑松露同芝士之後，是升華咗，口感層次都豐富左👍🏻😋😋加埋杯刨冰啤酒，正呀！