城寨煲皇

營業中

休息中

呢間都算係幾特別嘅一間火鍋店，好深刻係佢有少有嘅雞煲翅火鍋底同魚卜！真係好多謝朋友介紹我哋食呀。🤪🤪城寨招牌龍鳳雞煲翅🤩見佢講明係招牌梗係要一試啦。鍋底真係好足料，有成一碗滿嘅雞同埋魚翅係入面，非常濃郁非常鮮香。其實淨係食呢個鍋底已經夠飽。梅菜猪肉丸🤩梅菜肉餅就食得多，梅菜肉丸就第一次試。都諗住同梅菜蒸肉餅差唔多質感啦，但佢係出奇地比較爽口彈牙喎，至於味道就十足梅菜肉餅咁惹味。乾吊片🤩鍾意食海鮮可以試下。佢其實係魷魚乾，本身都諗住應該都幾咸，但係放落個湯底淥熟咗之後，就變得啱啱好啦，而且都唔會太韌。鮮魚卜🤩呢個部位真係好少見，所以都嗌咗個嚟試下。外層係淋淋哋嘅，內層係爽脆，非常豐富嘅膠原蛋白。呢個豐富嘅口感都係幾值得一試嘅。掛架牛頸脊🤩呢一個擺盤方式係非常之有特色，可謂前所未見。佢係用一個架掛喺曬啲肉，好似晾衫咁。望落去都已經覺得好有趣。肉質肥瘦相間，嫩滑入味。