鶴旭 (已結業)

睇到ig foodie介紹先知大角咀開左間新既日本料理，主打麵類、日式咖哩、炸物同串燒。望過餐廳自己ig，見到拉麵同烏冬都好吸引，所以呢次就試佢地招牌拉麵。🥢鶴·旭 雞原湯叉燒拉麵$88一般雞湯拉麵都會比較淡口，不過呢款雞原湯叉燒拉麵湯底就非常濃郁，仲有啲奶香，濃到有一下我懷疑會唔會有好多「師傅」，但係食完又冇好口渴，所以應該冇既。呢個拉麵令我最驚艷既係，佢配既肉有兩款，分別係慢煮雞胸同叉燒，啲雞胸 超！好！食！😍利申返我本身好憎食雞胸，但個兩片慢煮雞胸係滑架！同埋勁有味，叉燒都好食，不過雞胸真係太正了。半熟蛋熟度拿捏幾好，不過就冇滷過，估計係唔想影響湯底既味道。店員非常有禮貌，如果有機會都想試埋其他野食😊睇過平日lunch set menu係平啲同埋可以加配小食。