富臨漁港囍臨門酒家 (已結業)

個今日想飲茶，喺長沙灣見到有酒樓喺商場入面，好方便，所以就嚟咗食午餐！  茶下面有蠟燭咁就唔怕啲茶飲耐咗會凍喇！ 跳舞雞孖寶$158 好抵食跳舞雞幾大隻， 而且燒得好香口外皮香脆，雞肉嫩滑！仲畀咗我哋即棄手套，好貼心喺酒樓可以食喇沙好特別喎！喇沙海鮮米粉未食已經聞到香噴噴嘅喇沙味果然非常足料， 有兩粒元貝， 三粒青口， 幾隻大蝦及蛋😋喇沙味辣辣地， 海鮮香甜， 非常惹味！ 蘿蔔千絲酥三件大大件， 外皮鬆脆， 兩面充滿蘿蔔絲， 脹卜卜，蘿蔔鮮甜，好味道！ 奶黃流沙包原來好有驚喜！一籠一個好大個嘅流沙包， 非常流沙😍， 蛋黃和奶黃融為一體， 超好味！