DK1885 (已結業)

灣仔好多巷仔都有好多小店or特色食物，今次就搵到呢間食北越菜，同平時食到既越南菜有d分別。❤️蓮藕心鮮蝦沙律份量唔算小，作為前菜綽綽有餘。沙律菜新鮮爽脆，dressing幾fresh。蓮藕心第一次食，幾爽，又有蓮藕絲，幾特別。d蝦係新鮮蝦，好甜又夠爽。❤️炒芥蘭呢個炒芥蘭真心出色，冇苦澀味！唔會好油但亦唔算小油。蒜頭勁香，半生熟食就perfect。❤️牛油雞翼呢個必食！雞翼好大件，d肉勁多！牛油味超重，加上炸蒜，口感勁豐富！但就邪惡左d，不過一次半次ok啦。❤️牛肉湯河我就冇食，男朋友大讚！牛肉勁新鮮，牛味好重，個湯底唔會太濃，加辣椒同青檸可以令味道昇華😂個河幾滑，不錯！